Gazte Sariketak 2026-02-16

Osinalde Sariko finala apirilaren 11n eta aurten bazkaria izango da

Aldaketekin dator Osinalde Saria eta aurten bazkaria izango da lehen aldiz afalondoko luzatua arintze aldera. Kanporaketak ere hirutik bi bazkaritan izango dira, iaz Argi Berri Sariak bidea zabalduta. Finala apirilaren 11n da eta aurrez hiru saio jokatuko dira, kanporaketa gisa: Argi-Berri Saria, Osinberde Saria eta Aztiria Saria. 18 bertsolarik kantatuko dute.

Argi-Berri Saria, martxoaren 14an
Bertsolariak: Haira Aizpurua (Sara, 2006), Irantzu Idoate (Hazparne, 2005), Naia Arrizabalaga (Azkoitia, 2004), Maite Sarasola (Deustu, 2001), Danel Etxeberria (Tolosa, 2007) eta Peru Irastortza (Algorta, 2001). Ordiziako Argi-Berri elkartean 14:00etan. 
    
Osinberde Saria, martxoaren 21ean
Bertsolariak: Maddi Agirre (Gasteiz, 2005), Eki Mateorena (Leitza, 2005), June Aiestaran (Beasain, 2006), Danel Herrarte (Aramaio, 2004), Irune Basagoiti (Ermua, 2002) eta Beñat Astiz (Barañain, 2004). Zaldibiko Joxepane tabernan, 20:30etan. 

Aztiria Saria, martxoaren 28an
Bertsolariak: Iruri Altzerreka (Garai, 2000), Mikel Etxezarreta (Olaberria, 2003), Joanes Azpillaga (Azpeitia, 2007), Jon Mendiluze (Irura, 2005), Ekain Alegre (Altsasun, 2001) eta Janire Arrizabalaga (Gernika, 2003). Aztiri Bat elkartean, 14:00etan.