Arabako Bertsolari Txapelketa 2026 2026-02-21

Maddi Agirre Arabako hirugarren final-laurdeneko irabazlea

Jexux Mari Irazu

Maddi Agirrek irabazi du Arabako Txapelketako azken final-laurdena Izarran, Asier Otamendirekin puntutan berdinduta. Beraz, gasteiztarrak eskuratu du finalaurrekoetara zuzenean sartzeko txartela. Lan puntuagarriak eginda honela gelditu da sailkapena:

Maddi Agirre: 251 puntu
Asier Otamendi: 251 puntu 
Xabi Igoa: 249 puntu
Danel Herrarte: 239,5 puntu
Rikardo Gonzalez de Durana: 229,5 puntu
Eli Zaldua: 225 puntu


Hamabi lagunez osatutako gai-jartzaile taldetik Etxaun Otaño Zikunegi izan da Izarrako aurkezlea. Lehen faseko hirugarren saioko epaimahaia horrela osatuta egon da: Ekaitz Elorriaga Anduaga, Fernando Sopelana Alonso eta Aitor Jimenez Tolosana. Endika Jimenez Enbeita idazkari lanetan.