Arabako Bertsolari Txapelketa 2026 2026-02-21

Arabako finalerako 12 hautagaiak erabakita, atzo Izarran lehen fasea amaituta

Arabako Txapelketako lehen fasea amaitu zen atzo Izarran da eta 18 bertsolaritik 12 sailkatu dira bigarren fasera, finalaurrekoetara. Aroa Arrizubieta, Peru Abarrategi eta Maddi Agirre izan dira saio irabazleak eta gainerako bederatziak puntuazioz sailkatu dira. Hemen zerrenda osoa eta bakoitzaren puntuazioa, finalera sailkatzeko aintzat izango dena:

Finalerako bidea: finalaurrekoa irabazita zuzenean edo bi saioetako puntuak batuta
Arabako finalean sartzeko sisteman aldaketak etorri dira aurten eta final-laurdenetako puntuazioa finalerako lehian sartuko da. Ohi bezala, bi finalaurrekoen irabazleak zuzenean sailkatuko dira finalera. Baina, gainerako lau postuak finalaurreko eta final-laudenetako puntu batuketak erabakiko ditu.

Finalaurrekoak martxoan Dulantzin eta Aramaion
Final-laurdenetako fasearen ondotik, bi finalaurreko izango ditu Arabako Txapelketak:
1. Finalaurrekoa. Martxoak 7, larunbata, Dulantzin. 17:30etan, Mikaela Portilla Kultur Etxean.
2. Finalaurrekoa. Martxoak 14, larunbata, Aramaion. 17:30etan, Kultur Etxean

Finala martxoaren 28an izango da Gasteizen, Europa Jauregian.