Arabako Bertsolari Txapelketa 2026 2026-02-24

Arabako finalaurrekoetako taldeak erabakita

Jexux Mari Irazu

Arabako Txapelketako bi finalaurrekoetako taldeak erabakita gelditu dira zozketa bidez. Dulantzin eta Aramaion jokatuko dira saioak martxoaren 7an eta 14an. Dulantzin, Aroa Arrizubieta, Asier Otamendi, Ekaitz Samaniego, Iñaki Viñaspre, Maddi Agirre eta Unai Anda, Olatz Santocildesek aurkeztuta. 17:30etan da hitzordua kultur etxean. 

Aramaion, herriko sei bertsolari ariko dira kantuan zoriak hala erabakita: Andere Arriolabengoa, Danel Herrarte, Martin Abarrategi, Peru Abarrategi, Sabin Abarrategi eta Xabi Igoa, Lierni Altunak aurkeztuta. 

Finalerako bidea: finalaurrekoa irabazita zuzenean edo bi saioetako puntuak batuta
Arabako finalean sartzeko sisteman aldaketak etorri dira aurten eta final-laurdenetako puntuazioa finalerako lehian sartuko da. Ohi bezala, bi finalaurrekoen irabazleak zuzenean sailkatuko dira finalera. Baina, gainerako lau postuak finalaurreko eta final-laudenetako puntu batuketak erabakiko ditu. Hona hemen bertsolari bakoitzak final-laurdenean ateratako puntuazioa:

Finala martxoaren 28an izango da Gasteizen, Europa Jauregian.