Arabako Bertsolari Txapelketa 2026 2026-03-02

Arabako lehen finalaurrekoa larunbatean Dulantzin

Larunbatean hasiko dira Arabako Txapelketako finalaurrekoak Dulantzin. Bertsotan: Aroa Arrizubieta, Asier Otamendi, Ekaitz Samaniego, Iñaki Viñaspre, Maddi Agirre eta Unai Anda ariko dira, Olatz Santocildesek aurkeztuta. 17:30etan da hitzordua kultur etxean. Finalaurrekoetako irabazlea finalera sailkatuko da zuzenean. Finalaurrekoa irabazten ez dutenen kasuan, finalera sailkatzeko final-laurdenetako eta finalaurrekoetako puntu batuketa hartuko da kontuan. 

Sei aramaioarrak beren herrian, zozketak hala erabakita
Bigarren finalaurrekoa Aramaion eta, zoriz hala egokituta, herriko sei bertsolari ariko dira kantuan: Andere Arriolabengoa, Danel Herrarte, Martin Abarrategi, Peru Abarrategi, Sabin Abarrategi eta Xabi Igoa, Lierni Altunak aurkeztuta. 

Bertsolariek final-laurdenetan eskuratutako puntuazioa

Finala martxoaren 28an izango da Gasteizen, Europa Jauregian.