Nafarroako Bertsoaroa Otsailetik martxora 2026-03-09

Bertso afariarekin borobilduko da Nafarroako Bertsoaroa ostegunean

Nafarroako Bertsoaroak ostegunean izango du azken hitzordua. Azken urteetako dinamikari jarraiki, bertso-afaria izaten da azken ekitaldia. Aurten,  Ane Zuazubiskar, Onintza Enbeita eta Joanes Illarregi ariko dira kantuan. Gai-jartzaile lanetan, Ander Aranburu eta Ainhoa Larretxea ariko dira. 

Aurtengo Bertsoaroak sei ekitaldi izan ditu formatu ezberdinetakoak: gazten bertso-trama, bi jaialdi, 1TZ4L1 3T4 P1ZTU saio elektronikoa, haurrentzako tailerra, Hezur berriak saio literarioa eta ostegun honetan egingo den bertso afaria.