Martxoaren 14an zendu zen 2026-03-16

Joanito Akizu hil da, bertso eskolen sorreran parte hartu zuen bertsozale eta eragilea

Umeen bertso eskolan sorreran paper garrantzitsua jokatu zuen Joanito Akizuk (1938-2026) hil da. 1974an, Xanti Iparragirre eta Patxi Goikolearekin batera, Almen ikastolan asteburuetako haur bertso eskola aitzindaria jarri zuen martxan. Erreferentziarik eta eredurik ia gabe hasi baziren ere, egitasmo hark eragin handia izan zuen hasieratik: lehen deialdian 125 ikasle elkartu ziren, eta handik etorri zen Leintz bailarako bertsolari belaunaldi oparoa. Honela deskribatu izan du Joanitok taldekideen izaera: «Xanti bertsolaria, Patxi organizatua eta ni txispa jartzen zuena».

Joanito Almen ikastolako Kontseilu Erretoreko partaidea zen Akizu Xanti Iparragirre eta Patxi Goikolea hurbildu zitzaizkionean bertso eskola sortzeko ideiarekin eta berak bideratu zuen proposamena ikastolan.


Joanito Akizuk ez zuen bertsolariak hezten bakarrik lagundu; bailarako bertsozaletasuna hauspotzen, saioak eta ekimenak bultzatzen eta gazteei bidea irekitzen ere lan handia egin zuen. Almenen abiaturiko mugimendu hark oihartzun handia izan zuen, eta ondorengo urteetan Gipuzkoan nahiz Euskal Herri osoan garatuko zen bertso-eskolen mugimenduaren oinarrietako bat izan zen.

Hileta elizkizuna gaur, martxoaren 16an izango da Aretxabaletako Jasokundeko Amaren elizan, 19:00etan.