Iruñean jokatu zen finala, Laban 2026-04-06

Itziar Agirre eta Haira Aizpurua irabazle Bertxhorin

Jexux Mari Irazu

Unibertsitate giroko Bertxhori sariketako finala jokatu berri da Iruñean, Nafarroako Unibertsitate Publikoko Euskara Taldearen eskutik. Hiru bikote aritu ziren finalean, Laban martxoaren 31n: Julen Bernaldo de Quiros eta Iruri Altzerreka; Antton Ziriza eta Maddi Agirre; eta Itziar Agirre eta Haira Aizpurua. Ane Fagoaga eta Iratxe Legarra aritu ziren aurkezle lanetan eta 60 lagun inguru elkartu ziren saioaren berogarri. 

Itziar Agirrek (Donamaria) eta Haira Aizpuruak (Sara) osatutako bikotea suertatu zen bosgarren edizioaren irabazle. Aurrez, hiru kanporaketa egin ziren. 





Antolatzaileek zabaldutako informazioaren arabera datorren urteko edizioa kolokan egon daiteke errelebo berria iritsi ezean.