Finala maiatzaren 30ean Aian 2026-04-22

Gipuzkoako Herriarteko azken bi final-laurdenak ostiralean eta larunbatean

Gipuzkoako Herriartekoaren azken bi final-laurdenak jokatuko dira ostiralean Hernanin eta larunbatean Soraluzen. Hernanin, bertako taldea eta txingudiarrak ariko dira finalaurreko txartelaren bila, Milagrosa aretoan, 19:00etan.

Hernaniko taldean Ekain Tolaretxipi, Unai Agirre, Eñaut Martikorena eta Eli Pagola ari dira bertsotan; gai-jartzaile lanetan, Markel Oiarzabal; epaile, Ainara Azpiazu Axpi. Txingudiko taldean Manu Goiogana, Igauri Lopetegi eta Jon Luzuriaga; gai-jartzaile, Jon Cia; epaile, Aitor Errazkin. 


Final-laurden honetako irabazleak Zumarraga-Urretxu taldearekin jokatuko du finalaurrekoa, Tolosan maiatzaren 16an. 

Larunbatean Soraluzen
Gipuzkoako Herriarteko azken final-laurdena Soraluzen jokatuko da, Herri Antzokian, 18:00etan. Debabarrena eta Eibarko Xarmaginak taldean Irune Basagoiti, Araitz Katarain eta Jokin Bergara ari dira bertsotan; Maialen Bergara gai-jartzaile eta Peru Alberdi epaile. 

Saioko irabazleak Azpeitiako Zaharrak Berri taldearekin jokatuko du finalaurrekoa Oñatin, maiatzaren 9an. 

Finala, maiatzaren 30ean da, Aian, bazkalondoan.