Hernandorena Sariketa - finala maiatzaren 9an 2026-04-28

Irati Alcantarillak irabazi du Hernandorenako bigarren kanporaketa eta finala erabakita gelditu da

Jexux Mari Irazu

Hernandorena Sariketako finala erabakita gelditu da, Hendaian bigarren kanporaketa jokatu ondoren. Amaiur Lujanbiok aurkeztuta, Johane Larre, June Aiestaran, Irantzu Idoate, Irati Alcantarilla, Sabin Abarrategi eta Izaro Bilbao aritu ziren kantuan. Irati Alcantarilla nagusitu da bigarren saio horretan.

Honenbestez, hauxe izango da Hernandorenako finaleko seikotea: Nahia Etxeberri, Irati Alcantarilla, Kattin Madariaga, June Aiestaran, Izaro Bilbao eta Irantzu Idoate. 

Finala maiatzaren 9an da Uztaritzeko Latsa gelan 19:00etan.