Bertso agenda 2026-05-14

25 bertso ekitaldi inguru igandera bitartean

Jexux Mari Irazu

Hogeita bost bertso ekitalditik gora eskainiko ditu maiatzaren hirugarren asteburuak, gaurtik hasita. Ohiko saioak izango dira Bilbon, Iruran eta Antzuolan, besteak beste.

Sariketek ere presentzia handia izango dute: Señora Sariketako hasiera Baionan eta Gaztetxeak Bertsotaneko finala Azkoitian; txapelketen arloan, Arabako Eskolarteko kanporaketak hasiko dira gaur eta bihar; larunbatean, Gipuzkoako Harriarteko azken finalaurrekoa Tolosan.

Baserritarren Egunaren bueltako hainbat saio ere izango dira: Asteasun, Usurbilen, Astigarragan, Errenterian, Hondarribian eta Irunen, besteak beste.

Esne-berriketan Bertso saio literarioa izango da Gernika-Lumon eta bertso jarri emanaldiak Orion eta Zestoan. Lagunarteko hainbat saio ere izango dira Irurtzunen, Fruizen, Portugaleten eta Oiartzunen. 

Larunbatean, Itsas Festibalaren inguruko jaialdia ere izango da Pasaian. Informazio xehea, hemen.