Eskolarteko Txapelketak 2026-05-23

Maia Ortiz de Zarate Arabako Eskolarteko txapeldun

Aramaioko Kultur Etxean jokatu da gaur 31. Arabako Eskolarteko Txapelketako finala, sei finalista gazte kantuan direla: Anitz Abarrategi, Jokin Onaindia, June Astegieta, Oinatz Basabea, Urko Lafuente eta Maia Ortiz de Zarate, Peru Abarrategiren aginduetara.

Ortiz de Zaratek jantzi du txapela Unai Andaren eskutik, eta June Astegieta gelditu da bigarren. Biak ariko dira kantuan Euskal Herriko finalean, ekainaren 13an Arantzan.