Zizur Nagusian jokatu zen azken kanporaketa larunbatean 2026-05-25

Señora Sariketako finalistak erabakita

Señora Sariketako finalistak erabakita daude larunbatean Zizur Nagusian azken kanporaketa jokatuta. Ekainaren 6an Plentziako Gaztetxean honako sei bertsolari hauek ariko dira kantuan VI. edizioko finalean: Oihana Iguaran, Ana Picallo, Maider Altuna, Kattin Madariaga, Kattalin Lizarraga eta Lide Arregi. Plentzian, ekainaren 6an, Gaztetxean. Lehenengo hiruak Baionako kanporaketatik sailkatu dira eta beste hiruak Zizur Nagusikotik. Baionan Nahia Etxeberriak eskuratu zuen txartela baina ezin izango du ekainaren 6an Plentzian egon eta Maider Altuna ariko da kantuan.

Zizur Nagusiko Esparru Gaztetxean larunbatean
Señora Sariketako bigarren kanporaketa jokatu zen larunbatean Zizur Nagusiko Esparru Gaztetxean: Kattin Madariaga, Kattalin Lizarraga, Lide Arregi, Julene Iturbe, Kelmene Abaitua eta Antton Fernandez aritu ziren kantuan. Lehen hiruak sailkatu ziren finalera eta Kelmene Abaituak eraman zuen Bihotz Saria.