Eskolarteko txapelketak 2026-06-08

Unax Aizpurua Ibargarai Gazte Xilabako txapeldun

Gazte Xilabako finala jokatu zen atzo Itsasun, Sanoki gelan 100 bertsozale inguru zirela. Gana Berhokoirigoin, Amaiaur Aizpuru, Johane Larre, Unax Aizpurua, Nahia Etxeberri eta Leina Alkhat aritu ziren kantuan, Elixabet Etxandik aurkeztuta. Agurren ondotik, bertsolariek zortziko handian, txikian, puntua emanda eta bakarka egin zituzten beren lanak. Unax Aizpurua gertatu zen txapeldun eta Nahia Etxeberri txapeldunorde. Irabazleak Maddi Ane Txoperena Xilabako txapeldunaren eskutik jantzi zuen txapela. Bertsoaldi hautaketa eta protagonistek hitzak Bertsoan izango dira gutxi barru. 



Gazte Xilabako finalak Euskal Herriko finalean ariko diren ordezkariak ere erabaki ditu: Lapurditik, Unax Aizpurua eta Johane Larre ariko dira; Nafarroa Beheretik Nahia Etxeberri eta Gana Berhokoirigoin; Zuberoatik, Leina Alkhat.