Errexil saria 2026-10-28

“Gure marka da Euskal Herri osoko bertsulariak gonbidatzea”

Euskal Herriaren luze zabaleko hamabi bertsolarik parte hartuko dute Errexil sarian: Eneko Abasolo “Abarkas”, Manex Agirre, Haira Aizpurua, Irati Alcantarilla, Oihana Arana, Haizea Arana, Ramuntxo Christy, Beñat Larrory, Xabi Maia, Mizel Mateo, Lurdes Ondaro eta Nahia Sasco izango dira Urruñan oholtza gainean. Seina bertsolariko bi saio egingo dira urriaren 30ean eta azaroaren 13an, eta finala azaroaren 20an izango da sei onenekin. Saio guztiak 19:00etan hasiko dira Urruñako Postako gelan. Xehetasun gehiago jakiteko Ortzi Idoaterekin egin dugun elkarrizketa entzun dezakezue.