Villabonako Irrintzi Elkartean 2010-02-11

Larunbatean jokatuko da Beterriko Txapelketako finala

 Larunbatean jokatuko da Beterriko Txapelketako finala. Aurtengoa hirugarren edizioa da, eta honako bertsolari hauek sailkatu dira finalera:

 Mandeuliak: Jon Martin, Iñaki Gurrutxaga eta Haritz Etxeberria "Ministro"
 Sorgin-Orratzak: Iñaki Apalategi, Ander Lizarralde eta Unai Muñoa

 Mandeulietan, berez, Agin Rezola zen kantatzekoa, baina, agertzerik ez daukanez, Haritz Etxeberria "Ministro" ariko da bere ordez.

 Saioa, esan bezala, larunbatean jokatuko da, Villabonako Irrintzi Elkartean, iluntzeko 20:30etatik aurrera. Amaia Agirre ariko da gai-jartzen, eta, orain dela astebete Bertsoa.com-i azaldu zionez, kanporaketetan baino ariketa berezi gehiago egin beharko dituzte bertsolariek.

 Sarrerak honako leku hauetan egongo dira salgai:  Larramendi Bazkunaren eta Aiurriren egoitzetan, Ogigoxo okindegian, Iriarte Kultur Etxean eta Emaitza eta Stop Liburu dendetan. Nahi izanez gero telefonoz ere egin daiteke erreserba. Honako hau da zenbakia: 943 300 733.

• 
•