Arabako Kuadrilla arteko Bertso Txapelketa 2010-02-25

Bi saio jokatuko dira larunbatean

 Joan zen asteburuan hasi zen Arabako Kuadrilla arteko Bertso Txapelketa. Zuia Gorbeialdeko ligan, Aramaioko taldeak Izarrakoa menderatu zuen.

 Larunbat honetan bi saio jokatuko dira.

 Zalduondon Lautadako Sorginetxe eta Errioxako taldeak ariko dira bat-bateko saioan. Zalduondoko Zeledon Txiki txokoan izango da saioa, eguerdiko 14etan. ALE ligari dagokion saioa izango da. Horrez gain, Arabako Bertso Sorta Kolektiboen lehiaketan, Lautadako 3 talde neurtuko dira: Lautadako Bertso-Eskolako gurasoak, Zalduondoko Bertso-Eskolakoak eta Aniturriko Institutoko taldea.

 Larunbatean bertan beste saio bat izango da Gasteizen, Aizkora Tabernan eguerdiko 14etan. Gasteizko Ligari dagokion saioa izango da eta Aizkorak Zorroztu eta Kakiturri-Ehari lehiatuko dira bat-bateko saioan. Bertso Sorta Kolektiboen Lehiaketan, berriz, beste 2 talde jardungo dira: Bertso gurasoak eta Harretako taldea.

 Bazkaritarako sarrerak 15 eurotan salduko dira. Bertara joan nahi izanez gero bi aukera dituzue: posta elektronikoz honako helbide honetara idatziz:

 araba.sustapena@bertsozale.com

 Edo telefono honetara deituz: 675 707 971.

• 
•