Zumarraga-Urretxuko bertso-eskolak antolatuta 2010-02-26

Bihar hasiko da Martxoan Bertsoa

 Urtero, martxoa iritsi bezain laster, bertsolaritzari eskainitako zikloa antolatzen du Zumarraga-Urretxuko bertso-eskolak "Martxoan Bertsoa" izenarekin. Aurtengoan ere hala antolatu dute. Bihar hasiko da aurtengo zikloa, eta HERRIKO BERTSOLARI TXAPELKETAko lehenengo kanporaketa jokatuko dute gaueko 23etan, FOX tabernan. Ondoren beste 4 saio jokatuko dituzte:

-MARTXOAREN 5a, OSTIRALA
 Gaueko 23etan Motz tabernan

-MARTXOAREN 6a, LARUNBATA
 Iluntzeko 19etan Ezkio-Itsasoko Igartubeiti baserrian
  Zumarragatik joan-etorriko autobus zerbitzua antolatu dute. Saio ostean mokadu goxoa banatuko dute eta sagardoa edateko aukera eta trikitilariak ere izango dira.

-MARTXOAREN 12a, OSTIRALA
 Gaueko 23etan Legazpiko Arrano tabernan

-MARTXOAREN 13an, LARUNBATA
 23etan Aldiri tabernan

 Finala MARTXOAREN 26an jokatuko dute, ostiralez, Gaztelekun.

 Herriko txapelketaz gain, ordea, bestelako ekintza batzuk ere antolatu dituzte:

 MARTXOAREN 6a, LARUNBATA
 Goizeko 11etan Zelai Arizti Kultur Etxean
 Ahots teknika, arnasketa eta erlajazioa lantzeko tailerra
  Imanol Kamiok gidatuko du saioa

 MARTXOAREN 27a, LARUNBATA
 Gaueko 22:30etan Gaztelekun
 Bertso Musikatuak
  Bertso-eskolako kideak ariko dira herriko musikarien laguntzaz

 APIRILAREN 16a, OSTIRALA
 Gaueko 20:30etan Santa Barbarako tabernan
 Bertso-afaria
  Julio Soto eta Unai Agirrek kantatuko dute

 Gainera, gaztetxoei zuzendutako beste bi ekimen antolatu dituzte.

 Alde batetik, Zumarraga-Urretxuko Eskolarteko XXIII. Bertso Paper Lehiaketa antolatu dute. Sari banaketa ekitaldia MARTXOAREN 12an izango da, ostiralez, eguerdiko 15etan Zelai Arizti Aretoan.

 Bestetik, umeei zuzendutako bertso-antzerki bat ere izango da ikusgai: Bizikletaren Misterioa. MARTXOAREN 28an izango da hori, igandez, arratsaldeko 17etan Labeaga Aretoan.

• 
•