Gipuzkoako bertso-eskolen eguna Usurbilen 2008-04-21

Umeak eta antolatzaileak pozik

Gipuzkoako Bertso-Eskolen eguna egin zen igandean Usurbilen, eta bai umeak eta bai antolatzaileak pozik joan ziren etxera. Goizean jolasak izan ziren protagonista eta arratsaldean izan ziren bertso-eskitaldiak. Udarregi Ikastolan Uxue Alberdi, Jon Maia eta Unai Gaztelumendi aritu ziren Kike Amonarrizen esanera, eskolan lapurtutako arbelaren bila. Aurrena Urretxu-Zumarragako bertso-eskolako umeak eta Usurbilgoak egin zuten sarrerako saioa. Gero, Maia eta Uxue  aritu ziren bertsotan eta Gaztelumendi marrazten. Umeek ederki pasa zuten, batez ere Maia eta Alberdi oholtzatik jetsi eta beren artera joan zirenean arbel-lapurraren bila.
Sutegin, berriz, Gu ta gutarrak taldearen kontzertua izan zen. Iturriaga eta Elorzaren taldeak emanaldiero gonbidatu berezi bat izaten du eta Usurbilen Errezilgo bertso-eskola izan zuten, eta errezildarrek baita saio ederra egin ere.
Oroiz Azurmendi Bertsozale Elkarteko Gipuzkoako eragileak balorazio positiboa egin du, Bertsoa.com-i egindako adierazpenetan. Bere esanetan, Gipzkoako Bertso-eskolen eguna oso ondo joan zen bai partehartze aldetik eta baita ekitaldien arrakastaren aldetik ere.