Deban, Legazpin, Loiun, Garesen, Gabirian, Orion eta Palman, besteak beste 2010-02-26

Hainbat bertso-afari izango dira gaur

 Ostirala izaki, hainbat bertso-afari egingo dira gaur.

 Deban urtero egiten dute bertso-afaria Bordatxo jatetxean. Aurten, aurreko urteetan bezala, Andoni Egaña eta Sebastian Lizasok kantatuko dute.

 Tradizio handikoa da Legazpiko bertso-afaria ere. Bertso Olariak bertso-eskolak antolatuta, Maialen Lujanbio eta Unai Iturriagak kantatuko dute Laubide tabernan.

 Loiun, Lauroetako Aurregoiti Jatetxean, Etxahun Lekue, Arkaitz Estiballes eta Xabi Paya ariko dira kantuan. Iñaki Beitiak jarriko dizkie gaiak. Saioa iluntzeko 21etan hasiko da.

 Garesen, Gomazin Elkarteko sotoan, bertso-afaria egingo dute gaueko 22etan, Garelako Elkarteak antolatuta. Estitxu Arozena eta Xabier Silveirak kantatuko dute. Aurretik Gaitabertsopòteoa egingo dute, iluntzeko 20etan hasita, Aloan.

 Gabirian bertso-afaria egingo dute Elkartean, Gabiria eta Ormaiztegiko Gazte Asanbladek antolatuta.

 Orion iluntzeko 21etan izango da saioa, Balea Elkartean. Orioko Gazte Asanblada da antolatzaile.

 Azkenik, Palman, iluntzeko 21etatik aurrera, Jokin Castaños eta Ainhoa Agirreazaldegik kantatuko dute.

• 
•