Bizkaiko Eskualdekako txapelketa 2008-04-17

Durangaldea eta Ipar Uribeko kanporaketak barikuan

Durangaldeko eta Ipar Uribeko kanporaketa saioak  jokatuko dira ostiralean, Bizkaiko Eskualdekako txapelketaren barruan. Durangaldekoa Mallabin jokatuko da, Izar Gorri elkartean, 21:30etan eta Ipar Uribekoa Sopelako ikastolan, 21:00etan. Mallabin, Gorka Lazkano, Eñatu Uruburu, Xabier Irakulis, Garikoitz Sarriugarte, Ander Aldazabal eta Unai Ormaetxea arituko dira kantari. Sopelan, Miren Loizaga, Olatz Ibarluzea, Joseba Artza, Aitor Arrizubieta, Garikoitz Salcedo eta Xabat Galletabeitia.
Datorren asteburuan, Busturialdea eta Durangaldeako beste kanporaketak jokatuko dira, Durangon eta Natxituan.

57 bertsolari, zazpi eskualdetan
Bizkaiko Eskualdekako txapelketan 57 bertsolarik hartu dute parte aurtengo edizioan, zazpi eskualdetan banatuta: Ipar Uribe, Enkarterriak, Bilboaldea, Durangaldea, Lea Artibai, Busturialdea eta Arratia. Zenbait eskualdetan zuzenean finala jokatzen da eta bertsolari gehiago dagoen eremuetan aurretik kanporaketak jokatzen dira. Eskualdeko txapelketa baliagarria da udazkenean jokatuko den Bizkaiko Txapelketarako.