Arabako Kuadrilla arteko Txapelketa 2010-03-27

Gaur jokatuko da azkeneko kanporaketa

  Gaur bukatuko da Arabako Kuadrillen arteko Bertsolari Txapelketako lehenengo fasea. Aiara-Lautada-Errioxako Ligako saioa izango da Oionen. Bertso-bazkaria izango da, eguerdiko 14etan hasita. Gauzak parekatuak daude ligan, "Aiaraldeko Altubepekoak" eta "Lautadako Sorginetxe" berdinduta baitaude garaipen banarekin. Honako hauek ariko dira:

 -Errioxa: Orlando Arreitunandia, Endika Sarabia, Edurne Azkarate, Arantxa Sobrino (gai-jartzailea), Alazne Garcia (gai-jartzailea) eta Mikel Fernandez de Arroiabe (epailea)
 -Aiaraldeko Altubepekoak: Unai Mendibil, Iker Ibarrola, Izar Mendiguren, Serapio Lopez, Ainhoa Comas, Julen Eizagirre, Nekane Aginako (gai-jartzailea) eta Iñaki Cabeza (epailea)

 Saioa, esan bezala, eguerdiko 14etan izango da Oionen, Azkena Txokoan. Bertso Sorta Kolektiboen lehiaketan bi talde ariko dira bertan: Errioxa taldea eta Amurrioko Zapotxin bertso eskola.

 Bi saioetara joan nahi izanez gero bi aukera daude izena emateko. E-mailez egin daiteke, honako helbide honetara idatzita: araba.sustapena@bertsozale.com. Telefonoz egin nahi izanez gero hau da zenbakia: 675 707 971.

• 
•