DF Bertsozale Eskola 2010-03-24

Asier Altuna eta Eider Rodriguez izango dira gaurko hizlariak

 Gaur bukatuko da Durangoko DF Bertsozale Eskola. Aurtengoan 4 hitzaldi izan dira guztira, Euskal Herriko Txapelketa Nagusia gaitzat hartuta. Lehenengoa Andoni Egañak eman zuen, parte hartu duen txapelketetan ikusitako bilakaera azaltzeko. Bigarrenean Unai Elizasuk eta Maite Berriozabalek, gai-jartzaileen taldekoak izaki, beraien ikuspegia eman zuten azkeneko txapelketari buruz. Agin Rezola eta Iñaki Aurrekoetxea bertso-kritikari moduan aritu ziren txapelketan zehar "Gara"n eta "Berria"n hurrenez hurren. Txapelketak zein ekarpen egin dituen azaldu zuten joan zen astean.

 Gaur izango da azkeneko hitzaldia, ohi bezela, iluntzeko 20etan Durangoko Plateruenan. Eider Rodriguez idazlea eta Asier Altuna zinegilea ariko dira hizlari lanetan. Biak bertsozaleak dira, eta bertsogintzaz eta txapelketaz hitz egingo dute.

 Hitzaldira joaterik ez duzuenok zuzenean ikusteko aukera izango duzue interneten,hemen klik eginda.

• 
•