Durangon, Plateruenan, goizeko 10etan 2010-03-24

"Koblakariak behar ditugu" estreinatuko da gaur

 Joseba Sarrionandia ardatz hartuta, "Zilar Astea" ospatuko da egunotan Durangoko Plateruenan. Joseba Sarrionandia euskal kulturan nola landu den aztertu eta plazaratzea da helburu.

 Gaur izango da lehenengo ikuskizuna, eta bi bertsolarik parte hartuko dute: "Koblakariak behar ditugu". Diziplina ugarik parte hartzen duten ikuskizuna da honako hau. Gotzon Barandiaran idazlea, Eñaut Elorrieta musikagilea, Karrika Antzerki taldea eta Miren Amuriza eta Unai Iturriaga bertsolariak dira obrako partaide.

 Gaur egingo dute estreinaldia, Plateruenan bertan, goizeko 10etan. Gaurko emanaldia ikasleentzat izango bada ere, gainerakoek ere izango dute aukera ikuskizunaz gozatzeko, bihar emanaldi irekia izango baita. Iluntzeko 20etan hasiko da biharkoa, Plateruenan. Sarrera doakoa izango da.

 Informazio gehiago nahi izanez gero, egin klikhemen. "Gara" egunkariak ere Zilar Asteari buruzko erreportaje zabala dakar.

• 
•