Nafarroako Txapelketak beteko du tarte handiena 2010-03-25
Hitzetik Hortzerak Julio Soto elkarrizketatuko du aste honetan
Artxiboko grabazioan Mixel Aire Xalbador II eta Manolo Arozena jarriko dituzte aurrez aurre, Hazparnen. Zuri-beltzekoan Migel Arozamenaren pare bat bertso emango dituzte.
Nafarroako Bertsolari Txapelketa izango da aste honetan Hitzetik Hortzeraren ardatz. Finaleko bertsoaldirik onenak eta zaleen iritziak bilduko dituzte.Julio Soto txapeldunari elkarrizketa egingo diote, Villabonako Gurea antzokian.
Artxiboko errepasoan ere Nafarroako Bertsolari Txapelketak beteko du tarterik handiena. 1988an Mixel Aire "Xalbador II.ak" jantzi zuen Nafarroako txapela, baina oso gertu geratu zen Manolo Arozena. Hazparnen aurrez aurre jarri eta hurrengo urtean txapela nork eramango zuen galdetu zieten. Zuri-beltzekoan Migel Arozamenaren pare bat bertso botako dituzte. Arozamena Nafarroako txapeldun izan zen 1962an eta 1966an.
Maiatzaren 1ean Maialen Lujanbio eta Jon Maiak "Bertso dinner"-a egingo dute Belfasten, eta hara joateko sarrerak zozketatzen dituzte programan, puntu-erantzunen lehiaketan. Aste honetan erantzun batzuk erakutsiko dituzte.
Ohi bezala, ostegunean 22etan ETB3an eta igandean 15etan ETB1en izango da programa. Aste Santuan ez da programarik izango.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
