Lazkaon, Donostian, Zamudion, Burlatan, Bartzelonan eta Villabonan 2010-03-26

Sei bertso-afari izango dira gaur

 Ostirala izanik, hainbat bertso-afari ospatuko dira gaur.

 Lazkaon Lazkao-Txikiren omenezko zikloa egiten ari dira egunotan, bera hil zeneko 17. urteurrenaren harira. Lazkaomendiko Elkartean afaria egingo dute gaur. Amets Arzallus eta Sebastian Lizaso bertan izango dira.

 Donostian, Peritoen Kolegioan, iluntzeko 19etan hasita Aitor Mendiluze eta Andoni Egaña ariko dira kantari.

 Zamudioko Lubarrieta jatetxean ere iluntzeko 21etan hasiko da afaria. Jexux Mari Irazu, Etxahun Lekue, Miren Amuriza eta Jon Maiak kantatuko dute, Arkaitz Estiballes gai-jartzaile dutela.

 Arkaitz Goikoetxea, Ekaitz Goikoetxea eta Oihan Alonsok ere bertso-afari bat osatuko dute, Burlatan, Axular Elkartean, iluntzeko 20:30etan hasita. Burlatako Askatasuna Institutuko ikasle eta irakasleak ariko dira gai-jartzaile lanetan.

 Bartzelonako Euskal Etxean ere afaria izango da, iluntzeko 21:30etan hasita. Onintza Enbeita eta Iratxe Ibarra joango dira bertara.

 Azkenik, Villabonako Amasa auzoan, Iturri-Goxo jatetxean, Aitzol Barandiaran eta Amaia Agirrek kantatuko dute. 

• 
•