Bizkaiko txapelketa 2008-05-05

Xabier Enbeita Busturialdeko txapeldun

Gautegiz Arteagako kultur etxeko areto nagusia txiki geratu da Busturialdeko Bertsolari Txapelketako finalean. 120 lagunetik gora bildu  ziren bertara, baina askok eskaileretatik edota kanpotik jarraitu behar izan eben saioa. Ez zan girorik falta izan. Xabier Enbeitak jantzi eban txapela, Iker Belaustegigaz buruz burukoa jokatu ostean. Osabaren, Jon Enbeita bertsolariaren eskutik jaso eban ganera txapela. Busturialdeko txapelduna zuzenean sailkatu da udagoieneko Bizkaiko Bertsolari Txapelketarako. Gainontzekoek beste eskualdeetan pasatzen danaren arabera izango dabe sailkatzeko aukera. Eskualdeetako zazpi txapeldunekaz batera, 21 lagunek izango baitabe Bizkaikoan parte hartzeko aukera.

Busturialdeko finala

Sailkapena
Xabier Enbeita  txapeldun, 367 puntu
Iker Belaustegi        357,5
Amaia Uribe            216,5
Ander Elortegi          205
Julen Erezuma       201,5
Jon Rementeria      200

• 
•