Arabako Kuadrilla Arteko Bertso Txapelketa 2010-04-07

Igandean izango da lehenengo finalaurrekoa

 Lehenengo fasea amaitu ondoren, Arabako Kuadrilla Arteko Bertso Txapelketa finalerdietara iritsi da dagoeneko. Hiru liga bereizi ziren lehenengo fase horretan, eta lehenengo sailkatuak igaro dira bigarrenera. Hala, Aiaraldeko Altubepekoak, Kakiturri-Ehari eta Aramaio ariko dira fnalera heltzeko lehian.

 Lehenengo saioa igande honetan bertan izango da, Zigoitiko aretoan, arratsaldeko 17:30etatik aurrera. Kakiturri-Ehari eta Aramaio neurtuko dira bertan. Honako hauek dira talde bakoitzaren ordezkariak:

 -Gasteizko Kakiturri-Ehari: Juan Mari Juaristi, Asier Otamendi, Rikardo Gonzalez de Durana, Felipe Zelaieta, Xabier Rico (gai-jartzailea) eta Joxe Ramon Arbe (epailea)
 -Aramaio: Andere Arriolabengoa, Manex Agirre, Iker Agirre, Xabi Igoa, Idoia Beitia (gai-jartzailea) eta Iker Elexpuru (epailea)

 Sarrerak aretoan bertan jarriko dira salgai. Txartel arrunta 5 eurotan salduko da, baina bazkideek 3 eurotan eskuratu ahal izango dute. 16 urtetik beherakoek dohainik izango dute sarrera.

• 
•