Iparraldeko Bertsu Eskolen Topaketak 2010-04-13

20 gazte elkartu ziren

 Pasa den asteburuan ospatu ziren Iparraldeko Bertsu Eskolen Topaketak, Donazaharren. 20 gazte elkartu ziren bertan, 12 neska eta 8 mutiko. Eguraldia eta lekua lagun, egitarau zabalaz gozatu ahal izan zuten bertaratu zirenek:

  Larunbata
   10:00 Ongi-etorria.
   10:30 Bertsu jokoak.
   12:30 Bertsu bazkaria.
   14:00 Pausa
   15:00 Bertsu tribiala
   16:30 Askaria
   17:30 Bertsu afariko gaien prestatzea.
   18:30 Pausa
   20:00 Bertsu afaria: Patxi Iriart eta Ekhi Erremundegi.

  Igandea
   08:30 Gosaria
   09:30 Kirol olinpiadak:
   12:00 UXUE ALBERDI eta JULIO SOTO  bertsulari gonbidatuen errezibitzea
   12:30 Bertsu bazkaria Uxue, Julio eta animatzen den oro.
   15:00 Bertsulari gonbidatuekin kalaka.
   17:00 Etxerat

 Karlos Aizpurua, Iparraldeko bertso eskoletako irakasleak bertso-afaria eta bertso-bazkaria nabarmentzen ditu, bereziki. "Luxu bat" izan zirela dio. Ikasleen artean giro ona izan zela ere azpimarratu du. Topaketen helburu nagusia bertso eskola ezberdinetako haurrek elkar ezagutzea izan zen.

 Aurtengo ikasturtean 60 ikasle dabiltza Ipar Euskal Herriko bertso eskoletan bertsolaritza lantzen.

• 
•