Larunbatean eta igandean, eguerdiko 14etatik aurrera 2010-04-15

Zamudio, Tolosa eta Zigoitiako bertsoak emango ditu Hitza Jolasek

 Aste honetan ere Hitza Jolas programa izango da entzungai Euskadi Irratian, eguerdiko 14etatik 15etara bitartean, larunbatean eta igandean.

 Larunbatean saio bat izango da programaren ardatz: Zamudiokoa. Honako bertsolari hauek aritu ziren bertan kantari:

 Miren Amuriza
 Jexux Mari Irazu
 Etxahun Lekue
 Arkaitz Estiballes

 Bederatzikoan, berriz, Iñigo Eguren ariko da puntuari erantzuten.

 Igandeko programan bi saiotako bertsoaldirik onenak eskainiko dituzte. Alde batetik, Tolosan Sahararen alde egin zen jaialdiko bertsoak izango dira entzungai. Horrez gain, joan zen astean Zigoitian egindako saioa ere eskainiko dute. Arabako Kuadrillen Arteko Bertso txapelketako finalaurrekoa izan zen bertan.

 Bederatzikoaren atalean Zigor Leundak erantzungo dio Iñigo Egureni.

• 
•