Zuzeneko elkarrizketak 2010-04-28

Jon Maiari elkarrizketa gaur

 Bertsoa.com-ek zuzeneko elkarrizketak egiten jarraitzen du. Gaur, arratsaldeko 17etatik aurrera, Jon Maia izango da elkarrizketatua.

 Jon Maia sorkuntzaren alor ugaritan aritu izan da. Bertsolari bezala izango da, beharbada, ezagunena. Plazan gehien dabiltzan bertsolarien artean egoteaz gain, 1997tik Euskal Herriko Txapelketa Nagusiko finalista da, eta azkeneko txapelketan 3. postua lortu zuen zumaiarrak.

 Letragile bezala ere lan handia egin izan du. Negu Gorriak taldearentzat letrak egiten hasi zen eta geroztik talde ezagunentzat idatzi izan du: Gozategi, Gari, Benito Lertxundi...

 Idazle lanetan ere aritu izan da, eta "Riomundo" liburua izan da lan horren emaitza.

 Orain dela urte batzuk "Karidadeko Benta" taldean aritu zen, kantari lanetan.

 Gaur egun telebista eta ikus-entzunezkoen munduan murgilduta dabil. Hala, "Bidaia Intimoak" dokumentalean parte hartu zuen orain dela zenbait hilabete.

 Galderak bidali nahi izanez gero, honako hau da helbidea: info@bertsoa.com.

• 
•