300 ikasle inguruk hartu dute parte 2008-05-13

Bertsolari gaztetxuen egun arrakastatsua Algortan

Bertsolari Gaztetxuen eguna ospatu dute gaur Algortan, seigarren edizioa aurten. Ekitaldi betea izan da benetan: ikasleek ikastetxeetan bertsolaritza lantzeko egiten den lana erakusteaz gain, bertso-eskolako kideak antzerkia egin dute, Colina, Arzallus eta Onintza Enbeita aritu dira bapatean, eta Balentin Txiki bertso paper lehiaketako saria ere banatu dituzte. Maialen Zuri eta 4 ipotxen antzerkiarekin hasi da emanaldia, Itxaso Paia eta bertso eskolako ikasle gazteeenek egin dutena. Ondorenean, ikastetxeetako ikasleek egin dute saioa. Bapatean, Amets Arzallus, Sustrai Colina eta Onintza Enbeita aritu dira, bai oholtzan ariketa bereziak egiten eta baita ikasle artean kantari ere. Balentin Txiki bertso-paper lehiaketako saria banatu eta denak koplak kantatuaz amaitu dute saioa.
Algortan Lehen eta Bigarren hezkuntzak 500 ikaslek jasotzen dute bertsolaritza eskolan eta 40 lagun inguru dabiltza Albe Bertsolari Eskolan. Datorren urterako beste ume talde berri bat joatekotan da, ikastetxeetan egindako lanaren ondorioz.

• 
•