Asier Altuna - Bertsolari filmeko zuzendaria 2010-06-10

“Bertsolari filma asko zabalduko da eta jendea harrituta geldituko da bertsolaritzaren fenomenoarekin”

Bertsolaritza zinemara eramango duen lehenengo proiektua aurrera doa eta 2011ean aurkeztuko da. Asier Altuna zuzendaria konbentzituta dago “pelikula txukuna” egitea lortzen badu munduan barrena asko zabalduko dela eta jendea harrituta geldituko dela bertsolaritza fenomenoarekin.
Bere bertsozaletasunak bultzatuta sartu zen proiektu honetan, bertsolaritzak ordu ta erdiko dokumentala egiteko gaia bazuenaren intuizioarekin, baina, aldi berean zalantza eta kezka dezenterekin ere bai. Bertsolari aurrerapena egin zuenean, orduan, ikusi zuen baietz, bazegoela gaia eta oso gauza polita egin zitekeela. Egaña, Lujanbio, Garzia, Sarasua, Asteasu Txiki (Lazkao Txikiren laguna) Xabier Amuriza, Foley eta Joseba Zulaika elkarrizketatu ditu eta zenbait saio grabatu. Orain gidoiari forma ematea, material osagarria biltzeta eta muntaia etorriko dira. Aitortu du Bertsolari proiektua aurrera ateratzeko harrera ona izan duela bertso munduan.

Hona hemen elkarrizketa horren aurrerapena eta arratsaldetik aurrera osorik.

• 
•