Plazatik Gaztetxera 2008-05-22

Azken kanporaketa ostiralean Soraluzeko Gaztetxean

Ostiral honetan, maiatzak 23, jokatuko da Plazatik Gaztetxera txapelketako hirugarren eta azken kanporaketa Soraluzeko gaztetxean. Afaria 21:00etan hasiko da eta saioa 22:30etan.
Kanporaketa honetan parte hartuko duten bertsolariak:

• Jone Uria
• Mikel Artola
• Ander Elortegi
• Andere Arriolabengoa
• Eneko Beretxinaga
• Aitor Arrizubieta "Toko"

Saio bakoitzean bertsolariek honako lan hau burutu beharko dute:
• Ofizioka 3na bertso 8ko handian
• Ofizioka 3na bertso 8ko txikian
• Koplatan 4na kopla
• Gai bati 2 bertso doinu eta neurri librean
Buruz-burukoa:
• Ofizioka 3na bertso 10eko txikian.
Publikoak gustukoen duen bertsolaria aukeratu ahal izango du, eta epaimahaiarengandik puntu gehien jasotzen dituen bertsolariak eta publikoak aukeratutakoak buruz-burukoa jokatuko dute. Azken saio honetan puntuaziorik altuena lortzen duena izango da saioko irabazlea. Epaileen eta publikoaren erabakiak bat egingo balu , ez litzateke buruz-burukorik jokatuko eta zuzenean sailkatuko litzateke bertsolaria.
Finala:
• MAIATZAren 31an MUTRIKUKO GAZTETXEAN