Estitxu Eizagirreren artikulua 2010-07-05

"Ia plazaratu zen neska bertsolariaren bila"

 Jon Ansak elkarrizketa bat egin zion Xanti Zabala "Lexo"-ri, bere bertso-ibilbidea ezagutu nahian. Elkarrizketako une batean, gertaera berezi baten berri kontatu zion "Lexo"-k. Orain dela 45 bat urte gazte-sariketa bat antolatu omen zuten Donostiako Trinitate plazan. 18-20 bertsolari omen ziren bertan parte hartzekoak, tartean neska bat. Baina, saioa hasi berria zela, euri zaparrada bat zela eta bertan behera utzi zuten sariketa, neskak kantatu baino lehenago.

 Handik astebetera berriz jokatu omen zen sariketa, baina bertsolari bat gutxiago agertu zen: neska hura falta zen. Argitu gabe dago zergatik ez zen agertu oholtza gainera, eta neska hura zein den jakin nahian dabiltza orain. 70 bat urte izango lituzke eta, "Lexo"-ren arabera, Goierri aldekoa omen da.

 Estitxu Eizagirrek gertaeraren berri jasotzen du bere blogean.

• 
•