Bertako gazteek antolatuta 2010-07-19

Bertso plaza berria Trintxerpen

Pasaiako (Gipuzkoa) Trintxerpe auzoan lehen ere egin izan da bertso ekitaldirik, baina, atzo egin zen plazako lehenengo jaialdia. Auzoko gazteek antolatu zuten, eta oso txukun antolatu ere. Trintxerpe Pasaiako lau auzoetako bat da, (Donibane, San Pedro eta Antxo dira beste hirurak) eta hitzkuntz aldetik erdalgunea da. Bertako populazioaren gehiengoa jatorriz Galizia eta Portugalekoa da. Auzoan Karmenak ospatzen dira eta gazteek jaietako azken egunerako prestatu zuten sei bertsolariko jaialdia. Mendiluze, Mantxi, Unai Agirre, Irazu, Maia eta Sarriegi aritu ziren kantari, Casabalen agindura. 250 entzule plaza bilduan. Haritz Casabalek batez ere festa giroko gaiak jarri zituen.

• 
•