Joan zen larunbatean izan zen 2010-09-02

Festa giroko saioa egin zuten Hondarribian

 Joan zen larunbat iluntzean bertso-saioa egin zuten Hondarribian, Santiago Kaleko plazan. Festa giroko saioa izan zen, eta 400 bat lagun bertaratu ziren bertsolarien lana jarraitzeko asmoz. Honako hauek aritu ziren kantuan:

 Aitor Mendiluze
 Aitor Sarriegi
 Xabi Paya
 Sustrai Colina

 Karlos Aizpuruak jarri zizkien gaiak. Saioa umoretik joan bazen ere, izan zen gai serioentzako tarterik ere. Nabarmentzeko modukoa da, esaterako, Mendiluzek bakarka egindako lana.

 Dena den, ariketa bereziena hemen entzun daitekeena da. Karlosek lau bertsolariak jarri zituen lanean. Hasierako puntua kantatzen zien, asmakizun moduan. Bertsolariak hurrengo bi puntuetan asmatu behar zuen erantzuna. Ariketa zaila bezain gozagarria izan zen.

• 
•