Urriaren 5etik abenduaren 21era bitarte egingo da ikastaroa 2010-09-21

"Bertsolantegia" antolatu dute Nafarroako Unibertsitate Publikoan

 Nafarroako Unibertsitate Publikoak "Bertsolantegia" ikastaroa antolatu du hirugarren urtez. Ikastaro honetan bertsolaritzaren sarrera bat egingo dute, bai planteamentu teorikoei dagokienez eta baita historian zehar izan duen bilakaerari dagokionez ere. Gainera, ariketa praktikoak ere burutuko dituzte ikasleek.

 Estitxu Arozena lesakarra ariko da irakasle lanetan. Urriaren 5ean hasiko da ikastaroa eta abenduaren 21era bitarte luzatuko da. Asteartero bi orduko saioak egingo dituzte, arratsaldeko 16:30etatik 18:30etara bitarte.

 Ikastaroan izena emateko epea irailaren 6an zabaldu zen Nafarroako Unibertsitate Publikoan ikasle direnentzat. Gainerakoentzat irailaren 29an irekiko da epea. Plaza kopurua mugatua izango da hala ere.

• 
•