21:00etan afaria, 22:30ean saioa 2008-05-29

Jone Uria, Azkarate, Labayen, Abasolo, Artola eta Aiertza larunbatean Mutrikun, Plazatik Gaztetxerako finalean

Larunbat honetan, maiatzak 31, jokatuko da Plazatik Gaztetxera txapelketako finala Mutrikuko gaztetxean. Afaria 21:00etan hasiko da eta saioa 22:30etan.
Finalerako sailkatu diren bertsolariak:
• Jone Uria
• Jokin Labayen
• Gorka Azkarate
• Eneko Abasolo “Abarkas”
• Mikel Artola
• Miel Angel Aiertza

Finaleko saioak bi fase izango ditu eta bertsolariek honako lan hau burutu beharko dute:
• Ofizioka 3na bertso 8ko handian
• Ofizioka 3na bertso 8ko txikian
• Koplatan 4na kopla
• Gai bati 2 bertso doinu eta neurri librean
Buruz-burukoa:
• Ofizioka 3na bertso 6 puntuko motzean.
• Hitza emanda bertso bat hamarreko haundian.

Publikoak gustokoen duen bertsolaria aukeratu ahal izango du, eta epaimahaiarengandik puntu gehien jasotzen dituen bertsolariak eta publikoak aukeratutakoak buruz-burukoa jokatuko dute. Azken saio honetan puntuaziorik altuena lortzen duena izango da saioko irabazlea. Epaileen eta publikoaren erabakiak bat egingo balu , epaileen puntuazioetan bigarren postuan sailkatu den bertsolaria pasako litzateke buruz-burukora.