Meñakan, Aginagan, Basaurin, Mutrikun, Urnietan, Tolosan eta Añorgan 2010-10-08

7 bertso-afari egingo dira gaur Euskal Herrian

 Ostirala izaki, bertso-afari mordoa egingo dira gaur Euskal Herrian.

 Meñakako Herriko Tabernan iluntzeko 21etan hasiko da saioa, Anjel Mari Peñagarikano eta Arkaitz Estiballes kantari direla.

 Usurbilen, berriz, Aginaga auzoan izango da saioa. Jon Martin, Haritz Casabal eta Arkaitz Oiartzabal "Xamoa" jardungo dira bertsotan.

 Miren Amuriza eta Amets Arzallus Basaurin ariko dira, Zoros zoro jatetxean. Saio hau iluntzeko 21:30etan hasiko da.
 
 Orduerdi lehenago Mutrikuko Kalbaixo auzoan hasiko da saioa, Azkenetxe jatetxean. Jon Maia eta Andoni Egañak kantatuko dute.

 Xoxokan, berriz, Urnietan, Iker Zubeldia eta Amaia Agirrek kantatuko dute ordu berean Besabi jatetxean.

 Tolosako Berazubi auzoan iluntzeko 20etan hasiko da saioa.

 Añorgan, azkenik, Xabier Silveira, Haritz Etxeberria "Ministro" eta Iñigo Mantzisidor "Mantxi" jardungo dira kantuan, iluntzeko 20etatik aurrera.

• 
•