Xiberoa, Lapurdi eta Baxe Nafarroako Bertsulari Xapelketa 2010-10-11

Aste honetan hasiko dira finalerdiak

 Xiberoa, Lapurdi eta Baxe Nafarroako Bertsulari Xapelketa bigarren fasera heldu da jada. Datozen bi larunbatetan jokatuko dira bi finalaurrekoak. Fase honetan sartuko dira lehian Amets Arzallus, egungo txapelduna, eta Sustrai Colina. Lehenengo fasean Odei Barroso, Kristiñe Txoperena (arrazoi pertsonalak tarteko ez du finalaurrekoetan kantatuko) eta Eneritz Zabaletak lortu dituzte punturik gehien beren kanporaketetan. Horiekin batera zuzenean sailkatu dira bigarren sailkatuak ere (Patxi Iriart, Xumai Murua eta Mixel Aire). Gainerakoak puntuazioen arabera sailkatu dira (Gillen Hiribarren, Ekhi Erremundegi, Miren Artetxe, Joanes Etxeberria eta Ximun Cazaubon).

 Finalerdiak larunbat honetan hasiko dira, Luhuson. Harri Xuri aretoan egingo da saioa, arratsaldeko 17etatik aurrera. Honako bertsolari hauek kantatuko dute bertan:

 Amets Arzallus
 Odei Barroso
 Xumai Murua
 Eneritz Zabaleta
 Gillen Hiribarren
 Ekhi Erremundegi

 Bigarren kanporaketa datorren astean jokatuko da, larunbatez, Gabadiko Herriko gelan. Honako bertsolari hauek jardungo dira bertan:

 Sustrai Colina
 Miren Artetxe
 Patxi Iriart
 Ximun Cazaubon
 Joanes Etxeberria

 Finala Donibane Lohizuneko Jai-Alai pilotalekuan izango da, azaroaren 13an, arratsaldeko 17etatik aurrera.

• 
•