Berritxu saria 2017-05-19
Berritxu sariketa jokatuko dute larunbatean
Zortzi bertsolari gazte joango dira Berriatuara Berritxu sariketako txapelaren bila. Eskolarteko finalean protagonista izandako batzuk ariko dira gaueko hamarretatik aurrera. Joaterik ez duenak, bertsoa.comen izango du datozen egunetan.
Berriatuako Kultur aretoan jokatuko da aurtengo Berritxu saria. Urteroko gisan, eskolartean protagonista izandako zortzi bertsolari jardungo dira txapelaren bila. Hauek dira aurtengo edizioan lehiatuko direnak: Xabier Iturraspe, Garikoitz Salcedo, Eñaut Uruburu, Izar Mendiguren, Hodei Iruretagoiena, Itxaso Paia, Aimar Karrika eta Kristiñe Txoperena.
Saioa gaueko hamarretan hasiko da.
