Gaur izan da finala 2008-06-07

Ekaitz Samaniego eta Ainhoa Comas txapeldun Arabako Eskolartekoan

Ekaitz Samaniego gasteiztaarrak eta Ainhoa Comas amurriotarrak  jantzi dute Arabako Eskolarteko txapela, heldu eta txikien mailan, hurrenez hurren. Gasteizko Armentia ikastolan jokatu da saioa, 200 entzulen aurrean. Bigarren, Ander Solozabal gelditu da helduetan eta Bingen Sainz umetan. Lauak Euskal Herriko finalerako sailkatu dira. Sei bertsolari aritu dira umetan kantari: Antton Karretero (Aramaio- Gorbeialadea), Beñat Zalakin (Aramaio-Gorbeialdea) Bingen Sainz (Arrizala-Lautada) , Maria Izaga (Aramaio-Gorbeialdea), Ainhoa Comas (Amurrio-Aiara) eta Beñat Olano (Gasteiz). Helduetan, berriz, zazpi gazte aritu dira bertsotan: Ander Solozabal eta Ekaitz Samaniego, eta Lierni Balantzategi gasteiztarrak, Elyem Chej legutiarra, Guillermo Las Vegas argantzuarra, Xabi Igoa aramaioarra eta Estitxu Saratxo elosuarra.

Idatzizko sariak
Bertso paperen finala ere gaur izan da. Umetan, Maria Izagak irabazi du eta Bingen Saiz gelditu da bigarren. Heldutan, Xabi Igoa izan da txapelduna eta Ander Solozabal bigarrena.