Bertso-saioa Urretxuko Motz tabernan 2010-11-26

Bertsolariak ez ziren motz geratu

Zutik afaldu zuten bai bertsolariek baita hara gerturatu ziren bertsozaleek ere; eta abestu ere ia zutik egin zuten, aulki altuak jarri baitzizkieten. Arina izan zen dena, afaria ez zen asko luzatu ezta afalostea ere, eta agian horrek ere lagundu zien bertsolariei ideia freskoekin saio ona egiten: edo besterik gabe, bi txapeldun direlako egin zuten oso saio ona. Kontuak kontu, ederki aritu ziren bertsotan Andoni Egaña eta Maialen Lujanbio, bai librean baita Aitor Lizarazuk jarritako gaiei erantzuten ere. Hemen dituzue bertsoaldi onenak entzungai eta ikusgai.