Bertso-saioa Donostian 2010-11-29

Kanpoko hotzetik ihesean, giro beroa Lugaritzen

Pasa den ostiralean izan zuten urteroko hitzordua bertsozaleek Lugaritzen. Ez da areto handia eta hori ere lagungarri izango da giroa berotzeko garaian. Gustura sartu ziren aretora bertsozaleak, ez bertsoak entzuteagatik bakarrik, egiak esaten hasita kanporako baino barrurako giro hobea zegoelako ere bai. Bertsolariek ere ez zuten huts egin, ondo aritu ziren kantuan Sebastian Lizaso, Unai Iturriaga, Beñat Gaztelumendi eta Maialen Lujanbio. Josu Goikoetxea izan zuten gai-jartzaile, eta umorea eta drama nahastuz, saio orekatua osatu zuten.