Lanak urtarrilaren 10erako aurkeztu beharko dira 2010-12-01

Koipelustre kopla jarri sariketa antolatu dute Abadiñon

 Abadiñoko Gogaikarri bertso-eskolak "Koipelustre" kopla jarri sariketa antolatu du lehenengo aldiz. Partehartzaileentzat hiru kategoria bereizi dituzte:

 Gaztetxoen kategorian ariko dira 14 urtera artekoak. Partehartzaile bakoitzak nahi adina sorta bidaltzeko aukera edukiko du. Dena den, sorta bakoitzean gutxienez sei eta gehienez hamar kopla idatzi beharko dituzte. Honako gai hau izango dute: "zure herriko jaiak dira. Goizean goiz jaiki eta kalera irten zara". Lehenengo hiru sarituek liburu sorta bana lortuko dute Abadiñoko Udal Liburutegiaren eskutik.

 Gazteen kategorian 15 eta 18 urte artekoak ariko dira. Hemen ere nahi adina sorta bidaltzeko aukera izango da, hamar eta hamabost kopla artekoak. Irabazleak 150 euro lortuko ditu eta bigarrenak, berriz, 100.

 Azkenik, 18 urtetik gorakoak helduen kategorian ariko dira. Partehartzaile bakoitzak nahi adina sorta bidali ahal izango ditu, hamabi eta hogei kopla artekoak. Lehenengo saria lortzen duenak 300 euro eskuratuko ditu eta bigarren gelditzen denak, berriz, 200.

 Koplek bi eta hiru errimatako egiturak eduki behar dituzte. Lanak urtarrilaren 10a baino lehen bidali beharko dira honako helbide honetara:

  GOGAIKARRI BERTSO ESKOLA
  Udal Liburutegia, Zeletabe kalea 10
  48220 Abadiño-Zelaieta
  BIZKAIA

 E-mailez ere bidali ahal izango dira helbide honetara: gogaikarri@gmail.com.

 Sari banaketa urtarrilaren 28an egingo da, urteroko bertso-afariaren barruan. Informazio gehiago nahi izanez gero egin klik hemen.

• 
•