Bizkaiko Bertsolari Txapelketa 2010-12-15

Aita Luis Baraiazarra: "Ohore handi bat izango da"

 Aurtengo Bizkaiko Bertsolari Txapelketan Aita Luis Baraiazarrak jantziko dio txapeldunari txapela. Aita Luis Baraiazarra aspalditik egon da bertsolaritzari lotuta, eta eragile garrantzitsua izan da. Hala, Bizkaiko Bertsozale Elkarteko idazkari lanak betetzeaz gain epaile lanak egin ditu, bai Eskolarteko Txapelketetan, bai Araba eta Bizkaiko Bertsolari Txapelketetan eta baita Euskal Herriko Bertsolari Txapelketetan ere. Irakasle lanetan aritu da 20 urtez lehen hezkuntzan, eta bertsolaritzaren transmisioan lan handia egin du.

 Txapela emateko eskatu ziotenean sentimendu bikoitza izan omen zuen. Alde batetik, "zergatik niri?" galdetu omen zion bere buruari, azken urteotan ikusten duelako jendea bertsolaritzari lotuago ibili dena, nahiz eta bera sekula urrundu ez den. Bertsolaritza maite duela eta miresten duela esan zuen. Baina, beste alde batetik, "pozik" sentitzen dela dio, eta "ohore handi bat" izango omen da txapela janztea.

• 
•