Bizkaiko Bertsolari Txapelketa 2010-12-17

Eneko Abasolo "Abarkas": "Finala sari moduan hartzen dut"

 Eneko Abasolorentzat lehenengo finala izango da aurtengoa: "Finala sari moduan hartzen dut. Urte mordoan bertsotan aritu gara plazan eta pentsatzen dut urteen poderioz eta lanaren poderioz finalera heltzea lortu dugula". Aurtengo txapelketa "begiz jota" omen zeukan Abarkasek, gogor entrenatu omen da. Finalean gozatu egin nahiko luke, berea emanez.

 Igorren hasi zuen Bizkaiko Bertsolari Txapelketako ibilbidea, eta nahiko urduri aritu zela onartzen du. Dena den, Zornotzako saioan lasaiago kantatu omen zuen, eta bere mailara hurbildu omen zen. Dena den, BECen eman dezakeen guztia ematera iritsi nahiko luke.

 Txapelketa honetarako entrenatzen aspaldi hasi zela dio Abarkasek. Eskualdetako Txapelketan parte hartu zuen apiril inguruan, eta ordutik aritu da prestatzen. Hasieran Gorka Lazkanorekin elkartu da. Dena den, bereziki eskertua dago Erika Lagomarekin, berak gidatu dituelako. Noizbehinka Gorka Ostolaza eta Oihana Bartra ere elkartu izan omen dira beraiekin. Sekula egin gabeko gauza berriak egin omen dituzte, eta emaitzak eman dituztelakoan dago. 

• 
•