Iluntzeko 21:30etatik aurrera 2011-01-19

"Erregea eta bufoia" egingo da gaur Zamudion

Andoni Egaña ariko da bertsotan. Ondoan izango du Ander Lipus, erregearen koroa zalantzan jarri nahian. Unai Elizasuk jarriko dizkie gaiak.

Azken hilabeteetan arrakasta handia izan du "Erregea eta bufoia" ikuskizunak. Gaur Zamudion emanaldi bat egingo dute, iluntzeko 21:30etatik aurrera.

Bertsolaria beti eroso agertu izan da oholtza gainera, inork bere tronoa zalantzan jarri gabe. Emanaldi honetan Ander Lipusek bufoiaren papera betetzen du, eta bere helburua erregearekin jolas egitea da. Hala, bertsolaria bertsotan eta aktorea hitzez aritzen dira ofizioka.

Gaurko emanaldian Andoni Egaña ariko da bertsotan eta Ander Lipus aktore lanetan. Saioa Unai Elizasuk gidatuko du.