Beasain, Itsasondo, Villabona, Zestoa, Errezil eta Gasteizen 2011-03-25

6 bertso-afari izango dira gaur

 Ostirala izaki 6 bertso-afari daude gaurko iragarrita.

 Beasainen Sebastian Lizaso eta Iker Zubeldia ariko dira kantuan.

 Itsasondon Korrikaren aldeko bertso-afaria egingo dute Aitor Sarriegi eta Iban Urdangarinek.

 Villabonan, berriz, Gazte Asanbladak antolatuko du saioa. Oihana Iguaran, Amaia Agirre eta Beñat Iguaran ariko dira kantari.

 Zestoako Aizarna auzoan Uxue Alberdi eta Andoni Egaña jardungo dira bertsotan.

 Errezilen, berriz, Letea jatetxean, bertso-afari desafioa egingo dute Errezil eta Azpeitiako taldeek. Iluntzeko 20:30etan hasiko da saioa. Honako bertsolari hauek kantatuko dute bertan:

 Beñat Lizaso
 Nekane Zinkunegi
 Juan Jose Eizmendi "Loidisaletxe II"
 Eneritz Arzallus
 Haritz Etxeberria "Ministro"
 Jokin Uranga
 Josu Oiartzabal "Xenpelar"

 Azkenik, Gasteizko Larragorri elkartean iluntzeko 21etan hasiko da saioa. Arkaitz Estiballes eta Amets Arzallus dira bertan kantatzekoak.

• 
•